الحلقه ال 20
احمد : منوره ياجنا
جنا : ده نورك يااحمد
احمد :مش ملاحظه انهم اتاخرو
جنا : انا برن ع مريم موبايلها مبيردش
احمد : طب استنى ارن ع متيو
ده قفل في وشي قفل موبايله ياجنا
يظهر ان حصل حاجه كبيره
جنا: انا مش عارفه دول مالهم كل مايشوفو بعض يتخانقو
احمد : طب يلا نشوف فيه ايه
كااابتين لو سمحت الحساب
بيخرج احمد وجنا يدورو علي متيو ومريم مش يلاقوهم
مريم بتروح علي بيتها ومتيو بياخد عربيته ويسوق بجنانه وعصبيته
متيو في العربيه
متيو..ليه اعترفت انك بتحبها ليه ليه عايز تدخل قصه طرف فيها هيتعذب ليه ترضالها انها تحب واحد زيك مش هيحققلها كل حاجه ويسعدها انت متنفعش تحب يامتيو الحب بالنسبالك مات ليه مصمم تفتح قلبك تانى ليه مصمم تتعذب بنار الحب ليه مكملتش حياتك زى ماكنت عايش عملتلك ايه البنت دى ما زيها زى غيرها ليه هى بالذات حبتها انا محتجلها قوى حاسس انها امى اللى اتحرمت من حنيتها ومن ابوى اللى عمرى محسيت انو ابويه وحاسس انها اخواتى وعيلتى اللى معرفهمش انا اتحرمت من كل معانى الحب ملقتوش غير مع مريم ليه مستكتر على احب ليه هو انا مش بشر
عند مريم
مريم : ايه اللي انا عملته ده لالالالالا ايه اللي هو عمله ده انا مش مستوعبه انا مش مصدقه اللي بيحصل ده هو ازاى طب ده بجد طب مانا كمان بح.... لالالالالا مش عايزه احب طب مش عارفه طب انا كده جرحته طب انا مش هاشوفه تانى مش هاكلمه تانى مش هاعرف اوصله اعمل ايه يارب يارب اعمل ايه
وتعيط لانها حاسه انها بتحبه اوى واول مره تحس ده
نرجع لمتيو
متيو...وبعد اللى انتى بتعمله ده اخرتو ايه هى مبتحبكش ازاى ده مفيش بنت مبتحبنيش هى مبتحبكش ياعم ابعد عنها بقى وكفايه لحد كده يعنى خلاص ادوس على قلبى وموتو تانى بعد محسيت انى بقيت بشر وبعرف احب هى ليه الدنيا بتعمل معايه كده ليه انا اتخلقت علشان ادوق طعم الحزن كنت اول طفل يحس انو ملوش حد ميعرفش يعنى ايه حب لانى محدش حس بيه ياررررررب انا بحبك ومعنى انى بحبك يعنى فى حب طب ليه انا مبحبش ولما بحب اتحرم منه يارررب قربنى منك مليش غيرك انت عالم انى مليش ولا ام ولا اب ولا اخ جيت الدنيا اهلى علمونى معنى الحزن والكره وسابونى
يحاول احمد يتصل بمتيو تانى ويرد عليه
احمد...ايون يابنى روحتو فين
متيو...انا روحت
احمد...وفين مريم ومال صوتك
متيو...مريم روحت وانا كويس مفيش حاجه
احمد...طب خلاص هتروح فين النهارده
متيو...مسافر اشوف جدى
احمد... هترجع امتى
متيو...مش عارف ياحمد سلام
احمد...فى ايه ياعم براحه على نفسك شويه انا غلطان ان بطمن عليك متيو...ياعم انا مش ناقص حد يقولى كلمه دلوقت
احمد...يابنى مالك فى ايه واهدى كده
متيو....انا هقفل ومتحولش تسال على تانى ممكن تسبنى لوحدى خالص انا عايز ابقى لوحدى مش عايز اكلم حد انا متعود على الوحده سبنى احمد....يامتيو انت مش طبيعى مالك ابوس على ايدك اوع ترجع زى الاول متيو...انا تعبان قوى انا اتنخقت كرهت كل حاجه مش عايز حاجه من الدنيا خلاص
احمد ...يامتيو انا صحبك حبيبك متعملش كده ما انت كنت كويس مالك فيك ايه
متيو..سلام
احمد..متيو متقفلش
الو الو برده قفلت يامتيو انا مش عارف ايه حصل
احمد قلقان جدا علي صاحبه
متيو بينه وبين نفسه
ده احساس بريء يامريم حسيت بيه محستش البراءه الا في عنيكي ليه يامريم ليه ودموعه بتنزل من غير مايحس
جنا بتفضل ورا مريم لحد ماترد
جنا :انتى فين يامريم
مريم : انا روحت
جنا: مال صوتك ايه حصل
مريم : لا ابدا مفيش
جنا:انتى هتخبي عليه يامريم حصل ايه اتاخنقتى مع متيو تانى طب حصل حاجه مع مروان
مريم:لا محصلش حاجه
جنا: طب في ايه طمنيني بصي انا جيالك
مريم عشان تهرب انا خارجه مع مروان انتى عارفه انه عازمنى انهارده لما ارجع هاكلمك
جنا اوك يامريم اللي يريحك
جنا: بتفكر بينها وبين نفسها ياترى ايه حصل ليه متيو مشي وليه مريم صوتها مخنوق كده
بتفكر تكلم متيو بس تلاقى موبايله مقفول
وكده تخلص حلقت النهارده
ليست هناك تعليقات:
إرسال تعليق