الحلقه السادسه

وقفنا امبارح ان مريم اتحرجت من متيو اوى وكمان اتخنقت من المقلب السخيف اللي عمله فيها
ياترى ايه اللي هيحصل

جنا بتروح لمريم البيت مريم بتدخل اوضتها وبتعيط جامد

جنا : ادخل ولا امشي ولا ايه
مريم : مبتردش وحاضنه صوره مامتها وبتعيط
جنا : بقى القمر ده يعيط كده
مريم : دموعها نازله وبتسكت
جنا : مريم والله مااقصد انتى عارفه انا بحبك قد ايه ويهمنى مصلحتك وانا ميهمنيش حد فى الدنيا غيرك انتى اختى اللى مجبتهاش امى وكمان انا لما بشوف الدموع دى قلبى بيوجعنى اوى يرضيكي يعنى قلبي يوجعنى عليكي
مريم بتترمى ف حضنها وعياط وصوتها بيعلي من العياط تدخل جدتها
بتدخل جدتها وتتخض اوى مالك يامريم يابنتى فيكي ايه
جنا : مفيش يانانا دى مريم افتكرت ماما الله يرحمها
جدتها : ربنا يرحمها ياحبيبتى هاعملكو لمون واجى
جنا : ياريت يانانا وانا هاخليها تضحك دى مريومتى حبيبه قلبي
بتخرج جدتها ومريم
مريم : تقوم وتبص لجنا وتمسك صوره مامتها .
عارفه ياجنا من بعد ما ماما ماتت وانا معرفش ام تانيه غيرك اعتبرتك امى واختى وكل حياتى استحملتينى وتعبتى عشانى كنتى بتفضلينى دايما ع نفسك انا مشوفتش صحاب كده بس احنا اكتر من ان يتقال علينا صحاب فاكره زمان لما المس وقفتنا ف الفصل وسالت كل واحده مامتها بتشتغل ايه فاكره لما انا قولتلها ماما بتشتغل عند ربنا المس قالتلى انتى مجنونه والكلاس ضحك عليه وانت قومتى اخدتينى في حضنك وقولتى للمس انتى اصلا مبتفهميش وربنا مش هيدخلك الجنه فاكره يومها المس ضربتك بسببى فاكره عمرنا يوم ماافترقنا عمرنا ماسيبنا ايد بعض انا مش عايزه ابعد عنك انا مش عيزاكى تروحى عند ماما ويذداد عياطها وجنا تاخدها ف حضنها وتعيط اكتر
انا مقدرش اعيش من غيرك ياجنا مقدرش فاكره لما كنت هنتحر بعد ماما كنا لسه صغيرين اوى وانتى تقوليلي مامتك مشيت وسابتك وانتى عايزه تمشي وتسيبينى بس انا مش هاسيبك
انا بحبك اوى ياجنا بحبك اوى

تدخل جدتها وتشوف منظر البنات دموعها تنزل وتقول ربنا مايحرمكو من بعض يابنات وتقولهم يالا اشربو اللمون كده وروقو
جنا : يرضيكي كده يانانا البت دى تخلينى اعيط وكمان هى تعيط
جدتها : ربنا مايحرمكو من بعض ياحبايبي
جنا ربنا يخليكي يانانا
وتخرج الجده وتسيبهم لوحدهم
جنا : خلاص بقي يامريومتى مش عايزه اشوف الدموع دى تانى مش عايزه اشوف حزن فى عنيكي والا هاعمل ايه هاعمل ايه وتقوم جنا وتزغزغ مريم
ومريم بتغير جدا وهتموت من الضحك خلاص ياجيجي هموت كفايه
جنا : بكره نفطر كلنا ونكسبهم بدل مانخسرهم يا مرمر مش عايزين مشاكل
مريم : حاضر يا جيجي
جنا : يخليكى ليه ياعيون جىجى اقوم انا بقي بدل مايتولع فيه وانتى عارفه امواااااااااااااااااه سلام ياقلبي
مريم : اموااااااااااااااااااه سلام ياروحى

*متيو

متيو.....الله يخربيت كده عايز انام طيب هتعمل ايه بكره معاها
مالك يابنى زيها زي اى بنت
بردو صدق الواد احمد لما قال عليها بنت مختلفه
فى ايه يا متيو مالك بنات ايه انت خلاص مينفعش تفكر فى حاجه زى دى
متيو ... انا لازم اصلحها
ومن امتى يامتيو يهمك زعل حد
مش عارف بس حاسس انها برىئه وعيونها بتتكلم ووشها عليه ملامح كتير خوف حزن براءه قوه ايه البت دى
ولما بتتكسف يالهووووووووووووى وشها بيبقي زى الطمطمايه كده قمر ياناس
متيو... يعنى افهم من ده ايه بقى

. انا بكلم نفسى شكلى اجننت يخربيتك يامريم

*عند مريم

مريم قاعده ف اوضتها بتفكر ف ميتو وبتقول هو بيعاملنى وحش كده ليه كنت عملتله انا ايه يعنى بس يمكن انا زودتها معاه لالالالا هو اللى قليل الزوق معايا مش شوفتى هزر مع جنا ازاى ماهو انتى برده يامريم اللي رخمه اوى يوووووه شكلي هتجنن انا ولد يعمل فيه كده طب هاشوفه بكره هاعمل ايه يااارب بقي عايزه انام

*عند جنا

جنا معقول اللى حصل ده هو انا هاحبه ولا ايه لالالالالالالا حب ايه بس انا مش هافكر ف كده ابدا

طب ده اخد رقمى ومعايا رقمه اتصل بيه اقوله ع مريم لالالالا مينفعش طب وفيها ايه يعنى لالالالا مينفعش انا بس هاتصل دقيقه واقفل اقوله ان مريم وافقت تيجى تتصل تبص ف الساعه تلاقيها 12:00am خلاص بقي اشوفه بكره مفيش نصيب

*عند احمد

احمد.....انا بفكر فيها كتير ليه انا عمرى مفكرت فى بنت كده قبل كده ممكن علشان رفضانى علشان كده بفكر ازاى ادوس عليها بس ازاى وانا بخاف عليها ولم بشوفها ابقى نفسى اكلمها واقف معاها وبفرح لما بشوفها خلاص انا لم هشوفها بكره هصلحها وهقولها انى معجب بيها لا مش هينفع لانها لسه مخنوقه منى خلاص هخليه بعدين لم نقرب اكتر من بعض

*جنا ومريم

تاني يوم بيتقابلو كلهم مريم : انا خايفه اتعصب ع اللي اسمه احمد ده
جنا : احنا اتفقنا ع ايه نهدى كده ونحلها وكمان متيو لذيذ اوى
مريم : مجيبيش سيرتو بيعصبنى طب يالا عشان هما تقريبا مستنينا اهو

* احمد ومتيو

احمد......مش هيجو شكلهم
متيو....لازم ييجو عيب عليك
احمد....وايه اللى خلاك متاكد كده يابرنس
متيو.... صحبتها جنا هتيجى واكيد مش هتيجى لوحدها
احمد....ادينا قعدين ياعم الواثق
متيو...بص وراك
احمد.....ايه ده دول وصلوا لا معلم
متيو....بص جنا لبسه الحته اللى على الحبل
احمد.....ههههههه تصدق صح
متيو...بطل ضحك علشان المجنونه
احمد....اوك

ياترى ايه اللى هيحصل ف اليوم ده استنو الحلقه الجايه
محتاجه رايكو وتوقعو كده 

x