الحلقه السادسه عشر
تانى صدفه
الحوار فى العربيه بتاعت مروان
مريم : مين ده يامروان
مروان : ده سيف ابن طنط رنا وصاحبي ف الجامعه
مريم :
مروان : مالك يابت
مريم : لا ابدا عادى وسرحت مريم في متيو وان احساسها كان صح وبينها وبين نفسها ابقي معاك 3 ايام ومتحصلش صدفه اكلمك ده ايه ده انت فقر يالا يخربيتك
متيو ف العربيه
معقول هي وانا حمار ومرضتش اجى اسلم عليها يخربيت غبائي ولا الكبيره انها عايزه تروح المزرعه وانا مرضاش لالالالا انا اعترف انى فقر وماما تقولى اخطبهالك وانا اقولها مستحيل
واهى اتخطبت لمروان
مروان يضرب كلكس بسرعه كتيو كان هيخبط في عمود متيو يفوق بسرعه ويوقف العربيه ومروان يوقف ومريم قلبها بيقف مع العربيات واتشلت عن الحركه مقدرتش تقوم تسال هو كويس ولا لاء
مروان : ايه يابنى مالك انت كويس
متيو اه ياعم تمام بس سرحت وانا سايق
مروان : طب تعالي معانا وسيب العربيه نبعت حد من البلد ياخدها
متيو : لا مش مستاهله انا كويس
مروان : متاكد
متيو : اه متاكد متقلقش
مروان طب يالا بينا
بتروح مريم البيت ومروان بيوصل سميه
واول ماتدخل البيت تلاقى عمتها هناك وبتتكلم مع باباها ف موضوع الخطوبه تانى
مريم : سلام عليكم
خالد : وعليكم السلام حمدلله ع السلامه ياحبيبتى تعالي سلمي ع عمتو
ايمان : وتسلم عليه ليه مانا بقيت عدوتها
مريم : عدوه ايه بس ياعمتو ياقمر انتى بقي حد ليه عمه قمر كده ويزعلها ياناس امواااااااه
ايمان : لو انا حبيبتك صحيح تتخطبي لعمر
مريم : تاني ياعمتو تانى
ايمان : امال انتى عايزه تعملى زى اخوكي وتتجوزى من عيله امك عشان ميبقاش لينا حق فيكو انا عارفه تخطيط جدك
مريم : وشها احمر لما جابت سيره اهل مامتها
في ايه ياعمتو ايه الكلام ده مروان وسميه بيحبو بعض ومن هما صغيرين وايه دخل جدو ف الموضوع مجاش ضرب مروان ع ايده وقالو اخطبها وسميه ولا بنت قمر ومفيهاش عيب
ايمان : انتى قصدك ايه بنتى انا اللي فيها عيب يعنى ده انتى واخوكي قصدين تكسور قلب عيالي بقي متشوفلك صرفه ياخالد
مريم : اولا انا مجبتش سيره بنت حضرتك في حاجه متدخليش المواضيع في بعضها ثانيا انا مكسرتش قلب حد انا ولا عشمت ابنك بالجواز ولا حبيته وغدرت بيه وكملي كلام مع بابا براجتك بعد اذنكو جايه من السفر تعبانه
وسابتهم ومشيت
ايمان : عاجبك كده ياخالد شايف عمايل ولادك
خالد: في ايه ياايمان انتى مزوداها اوى انا عمرى ماهاجبر ولادى ع الجواز والجواز قسمه ونصيب
ايمان : طب والله مادخلالك بيت تانى ياخالد بتبيعنى عشا عيالك
خالد :ياايمان اهدى
وتمشي ايمان وخالد بيتحرق دمه ويسيب البيت وينزل ع الشركه
مريم بتعيط في اوضتها وبتكلم صوره مامتها سيبتينى ليه ياماما وعياط مستمر يقطعه تليفونها بيرن
مروان : مريم ايه حصل مع عمتو
مريم : تعيط اكتر
مروان : طب اهدى البسى وهاجي اخدك نتغدى بره
تالت صدفه
مروان بياخدها لمطعم كان بيروحه دايما مع صحابه ع النيل وهادى جدا ومريم بتعيط
مروان : اهدى يامريم بقي مانتى عارفه عمتو دماغها غريبه
مريم : وانا مالي يامروان اتجوز الملزق ده ليه
مروان : يخرب عقلك اه ياقاسيه تقولى ع الواد عمر مزز الجامعه ملزق
مريم : متمسكش نفسها وتضحك
مروان : يمسك اديها ويقولها هاتي ايدك كده ماقرالك الكف لالالالالا يابنتى الكف بيقول هتتجوزى من بره العيله وراح باس اديها وقايلها طول مانا عايش يامريم انا ابوكى وامك وكل حاجه وعمرك ماهتعملى حاجه غصب عنك ابدا
مريم : دموعها نازله ربنا مايحرمنى منك ابدا ياميرو
مروان : ميرو ايه يابت صاحبتك انا
مريم :ههههههههههه متقدرش تمسك نفسها من الضحك ع حركات مروان
مروان : اسكتي هتفضحينا مش هناكل ولا هتتجوعينى اكتر من كده
مريم : يالا اطلب الاوردر
مروان : طب انا قايم كده اظبط الدنيا واشوف ابه الموضوع
مين بقي كان موجود وهما ماخدوش بالهم منه وكان بيراقبهم
متيو
بينه وبين نفسه بقي كده يامريم انا عرفت صدك ليه ايه سببه واهى اللي حبيتها يافقر بتحب غيرك بس ازاى يمسك اديها ازاى تسمحله بكده ده انا مش ناسي القلم والله لاروح اكلمها
وبما مروان مشى رحلها
متيو : ازيك ياانسه مريم
مريم : متيو
متيو : الف مبروك ع الخطوبه
مريم : لسه هتتكلم
متيو : شكلك مقضياها اوى خروجات ويمسك ايدك ويبوسها عادى وانا عشان كنت بنقذك تضربينى بالقلم اقسم بالله انتى لو ماخطيبه صاحبي كنت فرجت عليكي الكافيه ياست هانم يامحترمه اه ع ف هنيجي نبارك انا واحمد والف الف مبروك ياعروسه
مريم : مصدومه بجد بس قبل ماتتكلم ساابها ومشي ومرضيتش تدايق عشان مروان ميحسش بحاجه
بس بينها وبين نفسها وقلبها بيوجعها دايما ظالمنى يامتيو مانت لو تعرف اللي جوايا مكنتش قولت كده يالا اهى الايام جايه كتير وهتبين
وبيتغدو وتهزر مريم مع مروان عشان ميحسش بحاجه
ليست هناك تعليقات:
إرسال تعليق