الحلقه الخامسه عشر
طلعت مريم البلكونه وبتبص علي يمينها فى البلكونه اللي قصادها لاقت مين
رنا : مريم حبيبتى وحشتينى
مريم : طنط رنا بجد مش معقول كان نفسي اشوفك
رنا : طب تعالي طيب اشربي معايا حاجه
مريم : حاضر انا نازله حالا
بتنزل مريم وتروح لرنا
اعرفكو برنا
(رنا صاحبه مروه الانتيم وكانت دايما علاقتهم حلوه ببعض لحد ماااامروه ماتت وبدات العلااقات بين العيلتين تضعف بس لان مروان ومتيو كانو في سن بعض الا انهم فضلو صحاب )
نرجع لرنا ومريم
رنا تاخدها فى حضنها اوى وتحس انها بتحضن صاحبتها وتعيط جامد اوى
مريم : خلاص بقي ياطنط انا جايه هنا عشان اشوفكو مش عشان ازعلكو
رنا : خلاص ياحبيبتى انتى عامله ايه احكيلي
مريم : كانت بتعتبر رنا حد قريب جدااااا منها وتبدا تحكيلها من اول مادخلت الجامعه وتحكيلها عن متيو مش انها بتحبه لا انه انقذها وانه ضربته وفضلو يضحكو وتعبيرات وشهم متقلبه
لحد ماشافت مريم خيل اسود جميل اوى وجنبه كمان واحد ابيض
مريم : طنط انا نفسي اركب خيل
رنا : من عيونى ياحبيبتى بس قومى نتغدى وبعدين ننزل المزرعه
مريم : جدو هيزعل
رنا : هنتغدى ونعدى عليهم عايزه اشبع منك والله لما باشوفك بحس ان مروه قدامى متحرمنيش منك بقي يامريم وخلاص دموعها كانت هتنزل
مريم : خلاص بقي يالا ننزل متعيطيش عشان خاطرى
بيتغدو مع بعض في الجنينه ويجي متيو يبص كده يلاقي حد غريب مع مامته يستغرب بس هي كانت مدياه ضهرها
رنا : سيف تعالي اتغدى معانا وسلم ع بنت طنط مروه الله يرحمها
متيو : لا شكرا ياماما اهلا بيها
مريم : سمعت الصوت وبتبص وراه عشان تشوف بس هو كان طلع
وقعدو بعد الغدا يحكو كتير لحد ما الشمس غابت
مريم بتستاذن رنا عشان كان المغرب اذن ورنا بتوعدها ان بكره الصبح هتوديها مزرعه الخيل
بتروح رنا وتستلقي ع السرير اللي هو اصلا كان بتاع مامتها وف حضنها صوره مامتها وتنام من غير ماتحس يدخل جدها يبوسها من جيبينها وياخد الصوره يحطها جنبها ويطفى النور ويطلع بره
عند متيو
رنا : سيف ايه قله الزوق بتاعتك دى احرجت البنت
متيو : وانا مالي بيها
رنا : ع الاقل كنت جيت تسلم
متيو : ماما انا مليش ف مواضيع البنات دى ولا ليه في دلعهم ولا باعرف اتعامل معاهم
رنا : بس دى بنتى صاحبتى واختى الوحيده وانا عايزه اخطبهالك
متيو : نعم تخطبيلي مين لالالالالالالا انسي خالص مستحيل
رنا : وليه بقي مستحيل هتلاقي احسن منها فين
متيو : ماما انا جاى من السفر تعبان وعايز انام
رنا تخرج وتسيبه ومتيو عمال يفكر في مريم واللي عمله اخر يوم بغبائه منعه يقعد معاها اكتر
عند مريم
جدها بيصحيها عشان تصلي الفجر
تقوم تصلي وتسلم ع جدها وتفضل في حضنه شويه وتطلع ع اوضتها تفتح البلكونه كان الهوا منعش جداااااااا فكت حجابها وسمحت للهوا انه يدخل بين خصلات شعرها كانت حاسه انها طايره
وعلي الجانب الاخر
متيو قاعد في البلكونه اول ماشافها قلبه دق ادايق من نفسه اوووى انت بتخون مريم يامتيو ادخل جوا
(الدنيا كانت ضلمه محدش كان شايف ملامح التانى )
مريم كانت مشغله اغنيه لفيروز
سألتك
حبيبي
سألتك حبيبي
لوين رايحين
خلّينا خلّينا
وتسبقنا سنين
إذا كنّا ع طول ..
التقيناع طول
وليش منتلفّت خايفين
أنا كلّ ما بشوفك ...
كأنّي بشوفك
لأول مرة حبيبي
أنا كل ما تودّعنا...
كأنّا تودّعنا
لآخر مرة حبيبي
قللي احكيلي
نحنا مين
وليش منتلفّت خايفين
ومن مين خايفين ؟
موعدنا بكرى
وشو تأخر بكرى
قولك مش جاي حبيبي
عم بشوفك بالساعة
بتكّات الساعة
من المدى
جايي حبيبي
ويادنيي شتّي
يا سمين
عللي تلا قوا
ومش عارفين
ومن مين خايفين
ومريم سرحانه اوى في الاغنيه ومتيو بيراقبها من بعيد عنده احساس ان في حاجه مش طبيعيه
حاسس ان الاغنيه دى عشانه بس واد ايه منظر البنت وهى بتتمايل وصوتها اعلي من صوت الاغنيه المنظر خطفه وايه احساسها بالاغنيه ده ولا صوتها
يخربيتك صوتك احلى من فيروز نفسها
بس رجع قال انت اتجننت ومريم
انا مش عارف في ايه انا حاسس انى اعرفها
واول ماالنهار يطلع مريم تدخل وتفطر معاهم وضحك وهزار مريم كان مخلي للبيت روح غير لعبها مع الاطفال وضحكهم ومتيو متابعها من البلكونه من بيعيد حاسس انها ملاك مش بشر
رنا بتعدى عليها عشان يخرجو وتوريها البلد وتروح للخيل زى ماوعدتها وتقضي اليوم كله مع رنا وتروح لاسراء بنت رنا وكان يوم رائع بالنسبه لرنا ماعدا انها معرفتش تركب خيل
وتالت يوم وكان اخر يوم قضيته مع جدها في البيت ومع بنت خالها سميه اللي كانت جايه زياره يوم واحد وهتروح مع مريم لما مروان يجي ياخدهم اللي هي برده خطيبه مروان
وكان اخر يوم لمريم العيله كلها كانت موجوده وقضو احلي يوم عائلي
جه مروان الخميس الصبح راح لمتيو يسلم عليه وقاله انه ماشي متيو قاله انه كمان ماشي وجاي ياخد خطيبته واخته
متيو طالع هو ومروان ومريم بتانادى عليه يالا ياميرو هنتاخر
متيو :
مريم :
مروان طب نادى ع سميه تسلم علي طنط رنا وهنمشي علي طول
سلمو والعربيتين مشيو مع بعض مريم كانت قاعده جنب مروان وسميه ورا
ومتيو افتكر ان مريم خطيبه مروان
اووووووووووبس ياترى ايه اللي هيحصل
ليست هناك تعليقات:
إرسال تعليق